પૂર્વ IPSએ ઘરના બેઝમેન્ટમાં બનાવ્યા 650 લોકર, લોકરમાંથી એટલી રોડક મળી, ગણતા ગણતા મશીન અટકી પડ્યા, જાણો વિગતે - Jan Avaj News

પૂર્વ IPSએ ઘરના બેઝમેન્ટમાં બનાવ્યા 650 લોકર, લોકરમાંથી એટલી રોડક મળી, ગણતા ગણતા મશીન અટકી પડ્યા, જાણો વિગતે

ગઇ કાલે નોઇડામાં IT Raid પાડવામાં આવી હતી જેમાં સિક્યુરિટી વૉલ્ટ એજન્સી પાસેથી આંખો ફાટી રહી જાય તેટલી રોકડ મળી આવી હતી. આ એવા લોકર છે જેમના માલીક કોણ છે તે જાણી શકાયુ નથી. ચૂંટણી પહેલા આ મોટી સફળતા ગણી શકાય.

નોઇડામાં સેક્ટર-50માં નિવૃત્ત IPSના ઘરે ચાલતી સિક્યુરિટી વૉલ્ટ એજન્સી (લોકર ભાડાની સુવિધા) પર દરોડા પાડવામાં આવકવેરા વિભાગની ટીમને મોટી સફળતા મળી છે. વિભાગીય સૂત્રોના જણાવ્યા અનુસાર, આ મકાનમાં મનસુમ નોઈડા વૉલ્ટ એજન્સી દ્વારા 700 લોકર રાખવામાં આવે છે. ઘણા લોકરમાં બેનામી પ્રોપર્ટી રાખવામાં આવી હોવાના સંકેત મળી રહ્યા છે.

દરોડા પાડનાર ટીમે મંગળવાર સુધી 10 જેટલા લોકર કાપ્યા છે અથવા ખોલ્યા છે જેના માલિકનું નામ અથવા સરનામું સ્પષ્ટ નથી. સાંજ સુધી તેમની પાસેથી ઉપાડવામાં આવેલી રોકડની સંખ્યા 5 કરોડ 77 લાખ રૂપિયા સુધી પહોંચી ગઈ છે. ટીમે રોકડની ગણતરી માટે ત્રણ મશીન લગાવ્યા છે. રોકડ વસૂલાતનો અંદાજ એ વાત પરથી લગાવી શકાય છે કે સતત ગણતરીના કારણે મશીનો પણ હેંગ થયા હતા તમે વિચારીલો કે કેટલી રોકડ મળી હતી.

આવકવેરા વિભાગ, નોઇડાની તપાસ ટીમે તેના સંશોધન અને કેટલાક ઇનપુટ્સના આધારે શનિવારે સાંજે અહીં દરોડા પાડ્યા હતા. ત્યારબાદ ટીમે આખા ઘરનો કબજો લઈને તિજોરીની તપાસ શરૂ કરી. પ્રથમ દિવસે લગભગ 16 લોકર બહાર આવ્યા. જેમાં 14 લોકરની તપાસ પૂર્ણ કરવામાં આવી હતી અને તેના માલિકોની પણ પૂછપરછ કરવામાં આવી હતી.

ત્યારબાદ ટીમની તપાસ આ ઘરના બીજા ભાગમાં આવેલી આ તિજોરીના લોકર સુધી પહોંચી. દરોડા પાડવા ગયેલી ટીમે પણ લોકરોની ગણતરી કરતાં ચોંકી ઉઠી હતી. ગણતરીમાં કુલ 700 લોકર સામે આવ્યા છે. ટીમે તિજોરી ચલાવતી એજન્સીના કર્મચારીઓને બોલાવી તમામ લોકરની વિગતોનો કબજો મેળવ્યો હતો. આ પછી, ટીમે લોકરોના માલિકોને બોલાવ્યા અને એક પછી એક ખોલવાનું શરૂ કર્યું.

તપાસમાં ઘણા લોકર મળી આવ્યા હતા, જેના માલિકનું નામ અને સરનામું સ્પષ્ટ નથી. શંકાના આધારે લોકરોના તાળાને તોડીને ખોલવામાં આવ્યા હતા. તેમાંથી રોકડ બહાર આવી, જેની ગણતરી શરૂ થઈ. મંગળવારે મોડી રાત સુધી આવકવેરા વિભાગની તપાસ ચાલુ રહી હતી. સૂત્રોના જણાવ્યા અનુસાર લગભગ 80 ટકા લોકર ચેક અને મેચ કરવામાં આવ્યા છે. હજુ 100 થી વધુ લોકર ચેક કરવાના બાકી છે. વિભાગની ટીમ આ કામમાં લાગેલી છે.

સામાન્ય રીતે, આવા સિક્યોરિટી વોલ્ટના લોકર લોકો ઘરેણાં રાખવા માટે બુક કરાવે છે. પરંતુ ઘણા લોકરમાં રોકડ પણ બહાર આવી રહી છે. આવકવેરા ટીમ વેરિફિકેશન માટે આવતા લોકો પાસેથી તેના સર્વે માટે પ્રશ્નો પણ પૂછી રહી છે કે બેંકમાં રોકડ કેમ નથી રાખતા. આનો જવાબ આપવો મુશ્કેલ બની રહ્યો છે.

નોઇડામાં પૂર્વ આઇપીએસ અિધકારી આરએન સિંહના ઘર પર છેલ્લા ત્રણ દિવસથી આઇટી વિભાગ દ્વારા દરોડા પાડવામાં આવી રહ્યા છે. આરએન સિંહના પુત્ર પોતાના ઘરની બેસમેંટમાં એક પ્રાઇવેટ લોકર ફર્મ ચલાવે છે. આ લોકર ભાડે આપવામાં આવે છે.

આઇટી વિભાગે આ લોકરની તપાસ કરતા કરોડો રૂપિયા જપ્ત કરાયા છે. જોકે તે સ્પષ્ટ નથી થઇ શક્યું કે આ પૈસા કોના છે. હાલ તપાસ અભિયાન ચાલી રહ્યું છે. આ વોલ્ટમાં ૬૫૦ લોકર હોવાનું જાણવા મળ્યું છે. આરએન સિંહ યૂપીમાં ડીજી અભિયોજન રહી ચુક્યા છે.

તેમનં કહેવુ છે કે તેમનો પુત્ર આ લોકર ભાડે આપવાનું કામ કરે છે. તે કમિશનના આધારે લોકર ભાડે આપે છે. તેના પોતાના પણ બે લોકર તેમાં છે જોકે તેમાંથી તપાસ દરમિયાન કઇ નથી મળ્યું.

તપાસ અભિયાન દરમિયાન પૂર્વ આઇપીએસ આરએન સિંહનું કહેવુ છે કે હું હાલ મારા ગામડે હતો. મને માહિતી મળી છે કે ઘર પર ઇનકમ ટેક્સની ટીમ તપાસ માટે આવી છે. તો હું તુરંત જ આવી ગયો હતો.

હું એક આઇપીએસ અિધકારી રહી ચુક્યો છું. મારો પુત્ર અહી રહે છે અને અમે પણ અહીં આવીને રહીએ છીએ. મારો પુત્ર આ પ્રાઇવેટ લોકરનું કામ કરે છે. જે બેઝમેંટમાં બનાવવામાં આવ્યું છે. આ પૂર્વ અિધકારીનું કહેવુ છે કે મારો પુત્ર આ લોકર ભાડે આપે છે.

બેંક આપે તેવી જ પ્રક્રિયા હોય છે. જ્યારે અહીં બેંકથી થોડી વધુ સુવિધા આપવામાં આવે છે. અમારા પોતાના પણ બે ખાનગી લોકર છે. અંદર તપાસ ચાલી રહી છે અને બધા જ લોકર ચેક કરવામાં આવ્યા છે. જે મળ્યું છે તેનો પુરેપુરો હિસાબ અમારી પાસે છે. ઘરના કેટલાક ઘરેણા મળ્યા છે.

Leave a Reply

Your email address will not be published.